«Динамо» Тошкентда Суперлига жамоалари билан ўйнайди

Олдинроқ хабар берганимиздек, “Динамо”чилар иккинчи йиғин доирасида 5-18 январь кунлари Самарқандда машғулотларни ўтказган эди. 22 январдан навбатдаги тайёргарликка киришган самарқандликлар 24 январь куни Тошкентга жўнаб кетишади. Бу ҳақда клуб расмий сайти хабар бермоқда.

Тайёргарлик режаси доирасида 25 январь куни дастлабки назорат учрашуви пойтахтда Суперлига вакили Бекободнинг “Металлург” жамоасига қарши ўтказилади. 26 январь куни эса “Динамо” Тошкентнинг “Бунёдкор” клубига қарши баҳсга майдонга тушади. Шунингдек, 31 январь куни ҳам пойтахтда назорат баҳси режа қилинган, рақиб тез орада маълум бўлади.

Режа доирасидаги учинчи йиғин 4 февраль кунигача давом этиб, сўнг таркибдаги футболчиларга яна икки кун дам берилади.