Диёрбек Ўрозбоев: "Барчасини эртага татамида кўрамиз"

Эртага старт оладиган дзюдо бўйича Гран-при мусобақасидан аввал терма жамоамиз етакчиларидан бири Диёрбек Ўрозбоев ташкил қилинган матбуот-анжуманида иштирок этиб, берилган саволларга жавоб берди. 

"Тайёгарлик яхши ўтди. Барчамиз юқори спорт формасидамиз. Мусобақада Олимпиадага рейтинг очколари ўйналади. Шу боис унда иштирок этадиган спортчиларнинг бари кучли. Ҳамма спортда бўлгани каби дзюдода ҳам нима бўлишини олдиндан айта олмайсиз. Барчасини эртага татамида кўрамиз. Ҳаммага омад", – дейди Олимпиада ва жаҳон чемпионати совриндори Диёрбек Ўрозбоев.