Долера Давронова: Ўсмирлар Олимпиадаси совриндори бўла олганимдан хурсандман

Аргентинадаги ўсмирлар Олимпия ўйинларининг оғир атлетика баҳсларида бронза медалини қўлга киритган ҳамюртимиз Долера Давронова муваффақиятдан сўнг ўз фикрлари билан ўртоқлашди. Бу ҳақда МОҚ расмий сайти хабар бермоқд. 

- 2018 йил мен учун муваффақиятли бўлди. Осиё чемпионатида ғолиб бўлдим ва ўсмирлар Олимпиадаси йўлланмасини қўлга киритдим. Бироз ҳаяжон бўлди. Юқори савияда иштирок этмоқчи эдим. Аммо, спортда барча нарса бўлади. Мана шундай мусобақада совриндор бўлиб, шоҳсупага кўтарила олганимдан жуда хурсандман. Рақибларим кучли эди. Биринчи ўринни қўлга киритган таиландлик рақибам йил давомида умуман мусобақаларда иштирок этмади ва фақат Олимпия ўйинларига тайёрланди. Иккинчи ўринни қўлга киритган туркиялик спортчига эса 1 кг фарқ билан мағлуб бўлдим.

Фурсатдан фойдаланиб биринчи мураббийим Маҳмуд Тоғаевга, шунингдек Баҳром Мендибоевга, ота-онамга миннатдорчилик билдираман. Келажакда юртимиз байроғини бунданда баландларга кўтаришга ҳаракат қиламан, – деди Давронова.