Дрис Мертенс яна бир мавсумдан сўнг Хитойга кетмоқчи

"Наполи" клуби ҳужумчиси Дрис Мертенс 2020 йилда Хитой чемпионатига йўл олиши мумкинлиги ҳақида гапириб ўтди.

“Менинг “Наполи” билан шартномам 2020 йилда ўз ниҳоясига етади. Ўшанда мен Хитойга кетишим мумкин. Менда бу ишни аввалроқ қилиш имконияти ҳам бор эди, лекин мен Европада қолишга қарор қилдим.

Мен Витсель ва Феррейра-Карраско билан бу борада тез-тез гаплашиб турардим. Улар менга Хитой чемпионати ҳақида ижобий фикрлар айтишади”, - дейди бельгиялик футболчи.

Маълумот учун, Мертенс жорий мавсум “Наполи” сафида жами 14та ўйинда майдонга тушди ва рақиблари дарвозасига 8та гол киритди.