Енгилмас боксчимиз Шоҳжаҳон Эргашев юртимизга қайтиб келди
Ads

Хабарингиз бор, 15 февраль куни (16 февраль тонгида) профессионал боксчимиз Шоҳжаҳон Эргашев АҚШда фаолиятидаги 16-жангни ўтказганди. Мазкур баҳсда ҳамюртимизга америкалик Майкл Фокс рақиблик қилган ва 10 раундлик жангда Шоҳжаҳон очколар ҳисобига ғалаба қозонганди.

Бугун боксчимиз юртимизга қайтиб келди. Уни Ислом Каримов номидаги Тошкент халқаро аэропортида Миллий олимпия қўмитаси мутасаддилари, Ўзбекистон профессионал бокс федерацияси вакиллари, мухлислар ва оммавий ахборот воситалари ходимлари тантанали равишда кутиб олишди. Бу ҳақда Миллий олимпия қўмитаси расмий сайти хабар бермоқда.

Эслатиб ўтамиз, 27 ёшли Шоҳжаҳон Эргашев бунгача профессионал рингда 16 та жанг ўтказиб, уларнинг барчасини ўз фойдасига ҳал этган. 14 та жангда у рақибларини нокаутга учратган.

Шоҳжаҳон навбатдаги жангини катта эҳтимол билан шу йилнинг 13 апрель куни ўтказади. Бироқ, бу ҳақида ҳали расман эълон қилинмаган.

Фикрлар

Фикр қолдириш учун авторизациядан ўтинг!
&
darwesh
21/02/2019 13:36
шу бола маладес чикдида