Эрнесто Вальверде: Ла Лигада “Барселона”ни хавотирга соладиган ҳеч нарса йўқ

“Барселона” клуби бош мураббийи Эрнесто Вальверденинг сўзларига кўра унинг жамоаси Испания чемпионатида рақобатдан чўчимайди.

“Барселона”ни хавотирга соладиган ҳеч нарса йўқ. Биз Ла Лигада авваллари қайси жамоалар билан рақобат қилган бўлсак, ҳозир ҳам худди шулар билан курашяпмиз. Бу «Атлетико», «Реал», «Валенсия» ва «Севилья».

Биринчи ўринда кетаётганимиздан хавфсирашимиз керакми? Йўқ, мен ундай деб ўйламайман”, - дейди Вальверде.

Эслатиб ўтамиз, “Барселона” айни дамда Ла Лига мусобақа жадвалида 51 очко билан пешқадамлик қилмоқда. Уларнинг энг яқин таъқибчиси эса “Реал” Мадрид (45) ҳисобланади.

Каталонияликлар бугун ўз майдонида "Вальядолид"га қарши баҳс юритишади.