ФИФА дунёнинг энг яхши футболчиси номини қачон эълон қилади?

ФИФА 24 сентябрь куни 2018 йилнинг энг яхши футболчиси ва мураббийини эълон қиладиган бўлди. Бу ҳақда ташкилот расмий сайти хабар тарқатмоқда.

Тантанали маросим эса Лондон шаҳрида ўтказилади.

Эслатиб ўтиш лозимки, айни дамда сайёрамизнинг энг яхши футболчиси номига Криштиану Роналду ("Ювентус", Португалия), Кевин Де Брюйне ("Манчестер Сити", Бельгия), Антуан Гризманн ("Атлетико", Франция), Эден Азар ("Челси", Бельгия), Харри Кейн ("Тоттенхэм", Англия), Килиан Мбаппе (ПСЖ, Франция), Лионель Месси ("Барселона", Аргентина), Лука Модрич ("Реал", Хорватия), Муҳаммад Салах ("Ливерпуль", Миср) ҳамда Рафаэль Варан ("Реал", Франция) каби футболчилар даъвогарлик қилишмоқда.

Энг яхши мураббийга эса Массимилиано Аллегри ("Ювентус"), Станислав Черчесов (Россия), Златко Далич (Хорватия), Дидье Дешам (Франция), Хосеп Гвардиола ("Манчестер Сити"), Юрген Клопп ("Ливерпуль"), Роберто Мартинес (Бельгия), Диего Симеоне ("Атлетико"), Гарет Саутгейт (Англия) ва Эрнесто Вальверде ("Барселона") каби мутахассисларнинг номзодлари мавжуд.