Факт: “Металлург” ўз майдонида фақат бир бор “Бунёдкор”дан устун келган

Мамлакат миллий чемпионатининг 26-турида Бекободнинг "Металлург" клуби ўз майдонида Тошкентнинг "Бунёдкор" клубини қабул қилади. Мазкур жамоалар шу кунга қадар ўзаро 24 маротаба куч синашишган. Натижалар юртимизнинг номдор клубларидан саналувчи “Бунёдкор” фойдасига. Тошкентликлар 18 та ўйинда ғалаба қозонишган. Иккита ўйинда “Металлург”нинг қўли баланд келган. 4 та чрашувда эса кучлар тенг келган. Тўплар нисбати: 50-21.

Жамоаларнинг ўзаро учрашувлардаги энг йирик ҳисоб 2009 йили Бекободдаги ўйинда кузатилганди. Ўшанда бунёдкорчилар мезбонлар дарвозасига жавобсиз тўртта тўп йўллашганди. Энг сермаҳсул учрашув эса ундан бир йил муқаддам Тошкентдаги учрашувда қайд этилган. Қалдирғочларнинг тўртта голига бекободликлар иккита аниқ зарбаси билан жавоб қайтаришган.

Бу йилги чемпионатнинг биринчи даврасида Тошкентда кечган ўйинда 3:1 ҳисобида мезбонлар зафар қучишганди. Барча голлар иккинчи таймда киритилган. Шаҳзод Нурматов (56), Сардор Собирхўжаев (67) ҳамда Жавлон Иброҳимов (85) ларнинг голларига Шаҳзод Шайманов 82-дақиқада пенальтидан битта гол билан жавоб қайтарганди.

Бекободда ўтган барча учрашувлар:
19.07.2018 «Металлург» - «Бунёдкор» 1:1
14.10.2017 «Металлург» - «Бунёдкор» 1:1
16.06.2016 «Металлург» - «Бунёдкор» 1:1
26.04.2015 «Металлург» - «Бунёдкор» 1:2
01.10.2014 «Металлург» - «Бунёдкор» 1:2
17.08.2013 «Металлург» - «Бунёдкор» 2:3
27.09.2012 «Металлург» - «Бунёдкор» 1:3
23.10.2011 «Металлург» - «Бунёдкор» 2:1
19.03.2010 «Металлург» - «Бунёдкор» 0:1
25.06.2009 «Металлург» - «Бунёдкор» 0:4
17.08.2008 «Металлург» - «Бунёдкор» 1:2
01.04.2007 «Металлург» - «Бунёдкор» 0:1

Бекободдаги ўзаро ўйинлар ҳақида факт: “Металлург” ўз майдонида фақат бир бор “Бунёдкор”дан устун келган. Бекободда ўтган сўнгги уч учрашувда жамоалар бир хил ҳисобдаги дурангга имзо чекишди.