Факт: Роналду "Сан-Сиро" стадионида гол урмаган

“Ювентус” клуби ҳужумчиси Криштиану Роналду Миландаги “Сан-Сиро” стадионида беш марта ўйин ўтказган, бироқ бирор марта ҳам рақиб дарвозасини ишғол қилмаган.

Португалиялик футболчи “Милан”га қарши уч марта ва “Интер”га қарши бир марта ушбу аренада майдонга тушган. Яна битта ўйин ЕЧЛ финалида “Атлетико”га қарши кечган.

Бугун “Ювентус” Италия чемпионати 12-турида “Милан” майдонига сафар уюштиради.