Фирмино орзуси нима эканлигини айтди

“Ливерпуль” клуби форварди Роберто Фирмино Англия премьер-лигасининг янги мавсумидан нималар кутаётгани ҳақида айтиб ўтди.

“Албатта, менинг орзуим – “Ливерпуль” билан бирга АПЛ кубогини кўтариш ва биз бунга ҳаракат қиламиз.

Чемпионлик учун кураш жуда шафқатсиз ва сўнгги кунларгача давом этади деб ўйлайман. Шунинг учун ҳам биз мавсум бошиданоқ мусобақа жадвалида юқори ўринга кўтарилиб олишни мақсад қилганмиз.

Фаворитлар эса одатдагидек “Сити», МЮ, «Челси» ва биз. Бу борада кутилмаган сюрпризлар бўлади деб ўйламайман. Мавсум охирида совринни қўлга киритишимиз учун бор кучимиз билан ҳаракат қиламиз деб мухлисларимизга ваъда берамиз”, - дейди бразилиялик футболчи.