Флориан Товен терма жамоа қароргоҳини тарк этди

"Марсель" ярим ҳимоячиси Флориан Товен Франция терма жамоаси базасини тарк этди. Бу ҳақда жаҳон чемпионларининг расмий твиттери хабар бермоқда.

Унга кўра 25 ёшли футболчи ўнг оёғидан жароҳат олган ва шу боис ўз клубига муддатидан аввал қайтиб кетишга мажбур бўлган.

Эслатиб ўтамиз, Франция эртага Миллатлар лигаси доирасида Германияга қарши баҳс юритади. Учрашув Тошкент вақти билан соат 23:45да бошланади.