Головин ҳам Аршавиннинг йўлидан бориши мумкин

Москванинг ЦСКА клуби ҳамда Россия терма жамоаси ярим ҳимоячиси Александр Головин фаолиятини Англия премьер-лигасида давом эттириши мумкин.

TransferMarket нашри тарқатган хабарга қараганда 21 ёшли футболчига Лондоннинг “Арсенал” клуби жиддий қизиқиш билдира бошлаган. “Канонирлар” айнан Головин орқали жамоанинг марказий чизиғини кучайтиришмоқчи.

Эслатиб ўтамиз, бундан аввалроқ Головнинга "Монако", "Челси" ва "Ювентус" каби жамоалардан ҳам таклифлар бўлаётгани ҳақида хабарлар тарқалган эди.

Маълумот учун, Россия терма жамоаси Евро-2008да муваффақиятли иштирок этгач, ўша пайтдаги жамоа етакчиси Андрей Аршавин ҳам айнан “Арсенал”га кўчиб ўтган эди.