Гризманн футболдан кўра, НБА ўйинларини афзал кўрмоқда

Мадриднинг “Атлетико” клуби ва Франция терма жамоаси аъзоси Антуан Гризманн НБА учрашувларини томоша қилишни ёқтиришини тан олди.

– Мен НБА ўйинларини танлаган бўлардим, футбол ўйинларини эмас. Бунга шубҳа йўқ. Нима учун? Шоу сабабли. Ўйингача, танаффус вақтидаги таништиришлар жуда ажойиб. Бу спорт менга ишим ва футбол ҳақида ўйлашни унуттиради, – дея Гризманнинг сўзларини келтиради ESPN нашри.

Бу мавсум Гризманн “Атлетико” сафида 14 ўйинда иштирок этиб, 4 гол ва 3 голли узатмага муаллифлик қилган.