Ҳамиджон Актамов: "Қўқон-1912" бизни хато қилишга мажбур қилди

Бундан бироз аввал якунига етган “Қўқон-1912” ҳамда “Қизилқум” (2:1) учрашувидан сўнг меҳмонлар устози Ҳамиджон Актамов ўзининг ўйин ҳақидаги фикрларини билдириб ўтди.

- Авваламбор, бунча мухлис қаршисида чиройли ўйин кўрсатган футболчиларга раҳмат айтаман. Бугунги баҳсда ҳар икки жамоага ҳам ғалаба зарур эди. Лекин мезбонларда иштиёқ кучлироқ бўлди ва бизни хато қилишга мажбур эта олишди. Рақиб бугун ҳақли ғалабага эришди. Қўқонликларни ғалаба билан табриклайман.