Ибрагимович "Милан"га қайтишга яқин турибди

АҚШнинг "Лос-Анжелес Гэлакси" клуби форварди Златан Ибрагимович тез орада "Милан"га қайтади. Бу ҳақда Football Italia нашри хабар тарқатмоқда.

Юқоридаги манбаага кўра 37 ёшли швециялик футболчи “россонерилар” сафига қайтишга тайёр ва бунинг учун фақатига миланликлардан йилига 4 млн евро маош сўрамоқда. Бундан ташқари томонлар шартнома муддати борасида ҳам келишувга эришишлари лозим.

Маълумотларга қараганда “Милан” Ибрагимовичга кейинчалик бир йилга узайтириш эҳтимоли билан 6 ойлик шартнома таклиф қилмоқда. Аммо, футболчи бирданига 1,5 йиллик шартнома имзолашни хоҳламоқда.

Эслатиб ўтамиз, Ибрагимович 2010-2012 йилларда “Милан”да тўп сурган ва 85та ўйинда майдонга тушиб рақиблари дарвозасига 56та гол урган.