Ибрагимович: "Вест Хэм" мени сотиб ололмайди

Швециялик машҳур ҳужумчи Златан Ибрагимович ўзининг АПЛга қайтиши ҳақидаги хабарларга ҳазиломуз жавоб қайтарди.

"Вест Хэм" мухлиси ҳисобланган Жеймс Корденнинг The Late Late Show кўрсатувида иштирок этган 37 ёшли форвард жумладан шундай деди: “Мен ҳозир бу ерда дўстим Жеймс билан биргаман ва у мени “Вест Хэм”га ўтишимни хоҳлайди. Бироқ, улар мени сотиб олишолмайди”.

Эслатиб ўтамиз, Ибрагимович айни дамда АҚШнинг "Лос-Анжелес Гэлакси" клубида тўп сурмоқда.