Икарди "Интер"дан кетмоқчи эмаслигини айтди

Миланнинг "Интер" клуби форварди Мауро Икардининг сўзларига кўра у “нерадзуррилар” сафидан кетмоқчи эмас.

“Мен “Интер”да бахтлиман. Ўтган ёз бир нечта топ клублар менга қизиқиш билдиришди, аммо мен шу ерда қолишга қарор қилдим. “Интер” – бу менинг уйим ва мен уни тарк этолмайман. Бундан ташқари менинг “Интер” билан бирга Чемпионлар лигасида ўйнаш орзуим амалга ошди.

Янги шартнома ҳақида гапирадиган бўлсак, бу келишувнинг янги йилгача имзоланиши бироз қийинроқ. Лекин, биз ўзаро келишувга эришишимизга ишонаман”, - дейди аргентиналик футболчи.

Маълумот учун, Икарди жорий мавсум “Интер” сафида жами 8та ўйинда майдонга тушиб, ўз ҳисобига 5та гол ҳамда 2та голли узатма ёздириб қўйишга эришди. Унинг амалдаги шартномаси эса 2021 йилга қадар имзоланган.