"Интер" Хамес учун пулни аямайди

Колумбия терма жамоаси етакчиси Хамес Родригесга фаолиятини давом эттириши учун яна бир қулай вариант пайдо бўлди. Tuttosport нашрининг хабар беришича 25 ёшли “Реал” футболчисига Миланнинг “Интер” клуби жиддий қизиқиш билдирмоқда.

Юқоридаги манбаанинг ёзишича “нерадзуррилар” Хамес учун катта маблағдан воз кечишга тайёр. Аммо, ушбу сумманинг қанчалиги ҳали номаълум.

Айтиш керакки Родригеснинг ўзи ҳам “қироллик клуби”даги ишларидан қониқиш ҳосил қилмаяпти. Бунга асосий сабаб унинг кам ўйин амалиётига эга бўлаётганлигидир. Хамес бу мавсум “Реал” таркибида жами 18та учрашувда майдонга тушган ва бу ўйинларда ўз ҳисобига 4та гол ҳамда 1та голли узатма ёзидирб қўйишга эришган.

Аввалроқ, Хамеснинг хизматларига "Челси", "Манчестер Юнайтед", "Ювентус" ва Хитойнинг “Хэбэй Чайна Форчун” клублари қизиқиш билдираётганлиги ҳақида хабарлар тарқалган эди.