Испания Суперкубоги янгича форматда ўтказилиши мумкин

Испания футбол федерацияси президенти Луис Рубиалес мамлакат Суперкубогини янгича  форматда ташкил қилмоқчи. Бу ҳақда Sport.es нашри хабар бермоқда.

Унга кўра янгиланган Суперкубокда жами 4та клуб – мамлакат чемпиони ва вице-чемпиони, шунингдек мамлакат кубоги соҳиби ҳамда финалчиси иштирок этади. Рубиалеснинг фикрича мусобақани бундай форматда ўтказиш Суперкубок иштирокчилари сонининг кўпайиши билан бир қаторда дунёда испан футболига бўлган эътиборни янада оширади. Шунингдек, бунинг ортидан Испания футоли яхшигина даромад ҳам кўриши мумкин.

Эслатиб ўтамиз, айни дамда Испания Суперкубоги учун баҳсда Ла Лига чемпиони ва Қирол кубоги соҳиби иштирок этади.