Беҳруз Каримов Роналду билан бирга мундиал рекордчиси бўлди

2026 йилги жаҳон чемпионати "K" гуруҳидаги 2-турда Португалия ва Ўзбекистон терма жамоалари ўртасидаги учрашув футбол тарихида ўзига хос рекорд билан ёдда қолди. 

Мазкур беллашувда майдонда бир вақтнинг ўзида ҳаракат қилган икки футболчи ўртасидаги ёш фарқи жаҳон чемпионатлари тарихидаги энг катта кўрсаткич сифатида қайд этилди.

Португалия терма жамоаси ҳужумчиси Криштиану Роналду ушбу ўйин куни 41 ёш, 4 ойу 18 кунлик эди. Ўзбекистон миллий терма жамоаси ҳимоячиси Беҳрузжон Каримов эса ўйин вақтида 18 ёш, 10 ой, 16 кунлик бўлган. Икки футболчи ўртасидаги ёш фарқи рекорд кўрсаткич - 22 йил 183 кунни ташкил этмоқда.

Бунгача жаҳон чемпионатлари тарихидаги энг катта ёш фарқи 1994 йилги мундиалда қайд этилган эди. Ўшанда Камерун терма жамоаси афсонавий ҳужумчиси Роже Милла ва Россия терма жамоаси форварди Владимир Бесчастних ўртасидаги фарқ 21 йил 321 кунни ташкил қилган.

3-тур доирасида Португалия 28 июнь куни Колумбияга қарши майдонга тушади. Ўша куни Ўзбекистон терма жамоаси Конго Демократик Республикаси жамоаси билан баҳс олиб боради.

Таъкидлаш жоизки, 2026 йилги жаҳон чемпионати давомида Ўзбекистон миллий терма жамоаси билан боғлиқ бир неча рекордлар қайд этилган.

Хусусан, Ўзбекистон терма жамоасининг биринчи турида Колумбия билан бўлган учрашувига рекорд даражада кўп чипта сотилган. 

Бундан  ташқари, Ўзбекистоннинг жаҳон чемпионатларидаги биринчи тўпини киритган Аббосбек Файзуллаев XXI асрда мундиал ўйинларида боши билан гол урган энг бўйи паст футболчи (167 сантиметр) сифатида рекордчи бўлди. 

Эссиз, Ҳусановнинг кўз ёшлари: Ўзбекистон муваффақиятсизлигининг учта катта сабаб очилди

Роналду Ўзбекистон билан ўйиндаги "даҳшатли" рекордга қандай муносабат билдирди

Ўзбекистон футболчилари ўйини қандай баллга лойиқ кўрилди?

Шомуродов аламли мағлубиятдан кейин мурожаат йўллади

Ҳусанов ва яна тўрттаси! Ўзбекистон мағлубиятига айбдорлар номи айтилди

Ҳусанов: Юрагим жуда тез ура бошлади! Абдуқодир мундиал ҳақида ўткир гапирди