Италия ОАВ: "Ювентус" кеча Рэмзи билан шартнома имзолади

Лондоннинг "Арсенал" клуби ярим ҳимоячиси Аарон Ремзи "Ювентус" билан шартнома имзолади. Бу ҳақда Sky Sport Italia нашри хабар бермоқда.

Юқоридаги манбаага кўра туринликлар кеча Италия Суперкубогида “Милан” (1:0) устидан ғалаба қозонишгач 28 ёшли уэльслик футболчи билан шартнома имзолашган. Унга кўра Рэмзи “Юве” сафига 2019 йилнинг 1 июлида, яъни “канонирлар” билан шартномаси ниҳоясига етгач эркин агент сифатида келиб қўшилади. Унинг Туриндаги йиллик маоши эса 8 млн еврони ташкил этади.

Маълумот учун, Рэмзи жорий мавсум АПЛда жами 19та ўйинда майдонга тушиб, ўз ҳисобига 2та гол ва 6та голли узатма ёздириб қўйишга эришган.