ЖЧ-2018. Бельгия Англияни мағлуб этди ва турнирда 3-ўринни эгаллади

Бугун ЖЧ-2018 нинг 3-ўрини эгаси маълум бўлди. Бронза медалларини қўлга киритиш учун Бельгия ва Англия термалари ўзаро баҳс олиб боришди.

"Санкт-Петербург Арена" стадионида кечган беллашувда Роберто Мартинес шогирдлари 2:0 ҳисобида зафар қучишди ва ЖЧ-2018 нинг бронза медалларига эга чиқишди.

• 90+3'
  

  Учрашув якунланди. Бельгия Англияни ишонли ҳисобда мағлуб этди ва ЖЧнинг бронза медалларига эга чиқди. Сизлар билан яқин икки соат давомида Шаҳзод Холбоев бирга бўлди. Финалда учрашгунча!

• 90'
  

  Учрашув асосий вақтига 3 дақиқа қўшиб берилди

• 84'
  

  Гарет Саутгейт сўнгги ўзгаришни амалга оширишга қарор қилди. Рубен Лофтус-Чик ўрнига Деле Алли майдонга тушди. Кеч эмасми?

• 82'
  

  Гооол! Эден Азар Де Брюйненинг узатмасидан сўнг қулай вазиятга чиқиб борди ва дарвозанинг ўнг бурчагини аниқ нишонга олди - 2:0

• 80'
  

  Ўххх! Жордан Пикфорддан сэйв! У Тома Меньенинг тўхтатмай тепган тўпнини қайтарди.  У Англияни ва интригани сақлаб қолди

• 78'
  

  Бельгияда учинчи ўзгариш бўлади. Мусса Дембеле Юри Тилеманснинг ўрнини эгаллади

• 77'
  

  Фағони Гари Магуайрга сариқ карточка кўрсатди

• 76'

  Дрис Мертенс Бельгиянинг қарши ҳужумини гол билан якунлаши мумкин эди, бироқ у тепган тўп ноаниқ кўриниш ҳосил қилди

• 74'

  Магуайрнинг боши билан берган зарбасига сантиметрларча аниқлик етишмади

• 70'

  Ўхххх! Эрик Дайер дарвозабон билан яккама-якка вазиятга чиқиб бориб, Куртуанинг устидан тўпни ошириб ташлади. Тўп бўш қолган дарвозага кетаётган бир паллада Тоби Альдервейрелд тўпни тепиб юборди. У ҳозир Бельгияни 110 % лик голдан сақлаб қолди

  

• 67'

  Учрашув давом этади. Ҳамон ҳисоб 1:0

• 60'
  

  Бельгияда ўзгариш: Ромелу Лукаку ўрнига Дрис Мертенс майдонга тушди

• 57'

  Эххх! Лукаку яна бирга-бир вазиятга чиқиб бориб, тўпни яна ўзидан узоқлаштириб юборди

  

• 54'

  Лингарднинг узатмасига Кейн бироз кечикди. Аслида Жесси дарвоза томон зарба берган эди

• 52'
  

  Жон Стоунз Эден Азарга нисбатан қилган қўполлиги учун эронлик Алиризо Фағони уни огоҳлантирди

• 51'
  

  Трипьер энди бурчак зарбасини амалга оширди. Куртуа тўпни ушлаб олди

• 50'

  Киран Трипьер тўпни жарима майдони ичига узатди. Ян Вертонген тўпни майдон ташқарисига чиқариб юборди

• 50'

  Томас Вермален Рэшфордга нисбатан қоида бузди

• 46'
  

  Гарет Саутгейт иккинчи бўлим олдидан бир йўла иккита ўзгаришни амалга оширди. Дэнни Роуз ўрнига Жесси Лингард, Рахим Стерлинг ўрнига эса Маркус Рэшфорд майдонга тушди. Энди инглизлардан ҳужумкор ўйин кутса бўлади...

• 46'
  

  Иккинчи бўлим старт олди!

• 19:55'

  Бельгия - Англия ўйинига ташриф буюрган гўзаллар (фотогалерея)

• 19:50'

  

  Биринчи бўлим статистикаси

• 45+2'
  

  Биринчи бўлим ўз ниҳоясига етди. Ҳозирча Бельгия олдинда, танаффус

• 45'
  

  Биринчи бўлимга 2 дақиқа қўшиб берилди

• 39'
  

  Шадли ўйинни давом эттира олмаслиги маълум бўлди. Унинг ўрнига Томас Вермален  майдонга тушди

• 36'
  

  Бу орада Носир Шадли жароҳат олиб майдонда ётибди

• 35'

  Тоби Албдервейрелд даврозага тескари ҳолатда туриб зарба берди. Бирозгина ноаниқ

• 30'

  Юри Тилеманснинг зарбаси йўлига ҳимоячилар қалқон бўлишди

• 28'

  Тома Меньенинг Англия жарима майдони ичига узатган тўпини ҳимоячилар бартараф этишди

• 24'

  Ўххх! Харри Кейн тепган тўп бироз ноаниқ кўриниш ҳосил қилди

• 20'
  

  Киран Трипьер бурчак тўпини ижро этди. Гари Магуайрнинг зарбасини Куртуа бартараф этди

• 18'

  Ромелу Лукаку бира-бир вазиятга чиқиб борётган эди, аммо унинг ўзи тўпни узоқлаштириб юбориши оқибатида Пикфорд тўпни ушдаб олди

  

• 14'

  Фабиан Дельф зарба йўллади, дарвозабонга бу зарба ҳеч қандай қийинчилик туғдирмади

• 12'
  

  Ўххх! Кевин Де Брюйне! У қулай нуқтадан зарба йўллади. Пикфорд ўз ўрнида

• 10'

  Киран Трипьернинг жаримадан теган зарбаси ҳеч кимга тегмаган ҳолда мадйонни тарк этди

• 9'

  Алиризо Фағони Тоби Альдервейрелд қоида бузганини  қайд этди

• 8'

  Фил Жонс Бельгия жарима майдонига тўпни узатди. Ҳимоячилар хавфни бартараф этишди

• 4'
  

  Гооол! Тома Менье ҳисобни очмоқда! Носир Шадли чап қанотдан тўпни жарима майдони ичига узатди ва у ерда ҳимоячилар томонидан бўш қолдирилган Менье осонлик билан Пикфорд қўриқлаётган дарвозани ишғол этди

  

• 1'

  Инглизлар ўйинни бошлаб беришди. Бугун улар қизил рангли либосларда тўп суришади. Бельгия эса сариқ-қора рангдаги форамаларда ўйнамоқда

• 1'
  

  Диққат қилинг, ўйин бошланди!

• 19:59'

  Ҳар иккала давлат мадҳиялари янгради. Ўйинни бошлаш учун барча нарса шай

  

• 18:57'

  Ушбу саҳифа орқали жамоалар таркиби билан танишиш имконига эгасиз

• 18:55'

  Ассалому алайкум, қадрли футболсевар дўстлар! Мана орзиқиб кутилган ЖЧ-2018 ўйинлари ҳам тобороа ўз поёнига етиб бормоқда. Бироздан сўнг мазкур турнирнинг 3-ўрини учун кечадиган ўйини старт олади. Унда Бельгия ва Англия терма жамоалари бронза медалини қўлга киритиш учун ўзаро баҳс олиб боришади!