Jon Terri: Azar - Ronaldu va Messi darajasidagi futbolchi

Londonning "Chelsi" klubi sobiq sardori Jon Terri jamoaning belgiyalik vingeri Eden Azarning o‘yinlarini yuqori baholadi.

“Ishonavering, u - Ronaldu va Messi bilan bir hil darajadagi futbolchi, bu haqda hech qanday shubhaga o‘rin yo‘q. Men Edenni so‘nggi yillar davomida deyarli har kuni kuzatdim. Azar – top darajadagi futbolchi va u kundan-kunga kuchaymoqda. Men uni Evropaning eng yaxshi futbolchilaridan biri bo‘lsa kerak deb o‘ylardim, lekin hozir fikrim o‘zgargan. U balkim haqiqatdan ham eng zo‘ridir?!”, - deydi afsonaviy himoyachi.

Ma’lumot uchun, 27 yoshli Azar joriy mavsum “aristokratlar” safida jami 6ta o‘yinda maydonga tushib, o‘z hisobiga 5ta gol hamda 2ta golli uzatma yozdirib qo‘yishga erishgan.