Жон Терри Хитой чемпионатида тўп суриши мумкин

“Челси” клубининг тажрибали ҳимоячиси Жон Терри ёзда Англияни  тарк этиши мумкин. Daily Mirror нашрининг хабар беришича, Хитойнинг “Шанхай СИПГ” жамоаси 36 ёшли футболчининг ҳизматларига қизиқиш билдирган.

Эслатиб ўтамиз, бир неча кун аввал ушбу жамоани португалиялик мутаҳассис Андре Виллаш-Боаш ўз бошқарувига олган эди. Ушбу мураббий ўз вақтида Жон Терри билан бирга “Челси”да фаолият юритган.

Маълумот учун, 36 ёшли футболчи ушбу мавсум жами 7та учрашувда майдонга тушган. Унинг “аристократлар” билан амалдаги шартномаси 2017 йилнинг ёзида ўз якунига етади.