Жорже Мендеш "Ювентус"га яна бир машҳур мижозининг хизматларини таклиф қилмоқда

Португалиялик машҳур агент Жорже Мендеш "Ювентус"га яна бир мижозининг хизматларини таклиф қилмоқда.

Tuttomercatoweb нашри тарқатган хабарга қараганда гап "Манчестер Юнайтед" дарвозабони Давиде Де Хеа ҳақида кетмоқда. Бироқ, таркибида Войцех Щесни ҳамда Маттиа Перин каби иқтидорли посбонлари бўлган “кекса синьора” Мендешдан бу борада бир қарорга келиб олиши учун вақт сўраган.

Эслатиб ўтамиз, испаниялик посбон айни дамда МЮ билан шартномани узайтириш борасида келиша олмаяпти. Аниқроғи, манкуанликлар раҳбариятига унинг катта маош талаб қилаётгани маъқул келмаяпти.

Маълумот учун, Де Хеа жорий мавсум “Манчестер Юнайтед” сафида жами 12та ўйинда майдонга тушди ва шуларнинг 3тасида ўз дарвозаси даҳлсизлигини сақлаб қолишга эришди.