Калинич: Менга 50 миллион евро берадиган жамоа борлигига ишонмайман

Италиянинг “Фиорентина” клуби форварди Никола Калинич нима учун қишки трансфер даврида Хитойнинг “Тяньжинь Цюаньцзянь" клубига ўтмаганлиги ҳақида гапириб ўтди.

“Тўғри, Каннаваро мени ўз жамоасига таклиф қилган эди, бироқ, энди бу мавзу ёпилди. Менга қанча маош ваъда қилишганини ҳам аниқ билмайман. Қолаверса, пул бу энг муҳими эмас. Мен ҳеч қаёққа кетишни истамайман. Мен футболдан завқ олиб яшашни ҳохлайман. “Фиорентина” президенти эса менинг бу қароримни қўллаб-қувватлади. Мен ўзимни 50 миллион евро тураман деб ўйламайман. Қайсидир жамоа мен учун бунча пул беришига ишонмайман”, - дейди хорватиялик футболчи Corriere della Sera нашрига берган интервьюсида.

Маълумот учун, 29 ёшли футболчи ушбу мавсум А Сериянинг 20та учрашувида 10та гол уришга эришган.