Канте "Реал"га ўтишга қарши эмас

Лондоннинг “Челси” клуби ярим ҳимоячиси Н'Голо Канте ўзига қизиқиш билдираётган "Реал", ПСЖ ва "Ювентус" ўртасида танловни амалга оширди.

The Sun нашри тарқатган хабарга кўра 27 ёшли франциялик футболчи Париж ва Турин клубларининг таклифларини хатто кўриб ҳам чиқмайди. Бироқ, агар “қироллик клуби”дан таклиф бўлса, уни қабул қилишга тайёр.

Маълумот учун, Канте жорий мавсум “Челси” сафида жами 10та ўйинда иштирок этди ва ўз ҳисобига 1та гол ёздириб қўйишга эришди. Унинг “аристократлар” билан амалдаги шартномаси 2021 йилга қадар имзоланган.