Кавани яна Италияга қайтиши мумкин

Франциянинг ПСЖ клуби ҳужумчиси Эдинсон Кавани яна Италия А Сериясига қайтиши мумкин. Бу ҳақда Paris United нашри хабар тарқатмоқда.

Унга кўра 31 ёшли уругвайлик футболчига "Наполи" клуби жиддий қизиқиш билдира бошлаган. Таъкидлаш керакки, неаполликлар бу борада аллақачон футболчи билан алоқага ҳам чиқишган.

Маълумот учун, Каванига “Наполи” бегона эмас. Боиси, у 2010-2013 йилларга ушбу клуб шарафини ҳимоя қилган.