Кессье "Челси"га ўтиши ҳақидаги хабарларга муносабат билдирди

"Милан" клубининг асосий футболчиларидан бири ҳисобланган Франк Кессье ўзига "Челси"дан қизиқишлар пайдо бўлаётгани ҳақидаги хабарларга муносабат билдириб ўтди.

“Менинг шартномам яна 5 йилдан сўнг ниҳоясига етади ва мен ҳали ҳеч қаерга кетмоқчи эмасман. Бизда ажойиб мураббий бор, у ўз ишининг устаси. Биз уни қўллаб-қувватлаймиз. Мен “Милан”да бахтлиман ва унинг яна Чемпионлар лигасига қайтишини хоҳлайман”, - дейди 22 ёшли ивуарлик футболчи.

Маълумот учун, Кессье жорий мавсум “россонерилар” сафида жами 27та ўйинда майдонга тушди ва 3та гол ҳамда 2та голли узатмага муаллифлик қилди.