"Кьево" бош мураббийи: Биз Роналдунинг тузоғига тушмаймиз

"Кьево" клуби бош мураббийи Лоренцо Д’Анна бугун А Сериянинг илк турида "Ювентус"га қарши бўлиб ўтадиган муҳим баҳс олдидан ўз фикрларини билдириб ўтди.

"Биз биринчи навбатда ўзимизга ишонишимиз ва "Ювентус"нинг таркибига кўплаб янги футболчилар келиб қўшилганидан фойдаланишимиз лозим. Агар ҳозир биз мағлуб бўлиш ҳақида ўйлаётган бўлсак, ё уйда қолишимиз ёки пляжга кетишимиз керак. Бизнинг мақсадимиз - "Ювентус"ни қийнаш. Биз улар учун шунчаки ёш бола бўлишни истамаймиз. Агар биз Роналдуни ёпишни уддаласак, у ҳолда "Юве"нинг ҳужум чизиғи ўз-ўзидан тўхтайди. Биз Роналдунинг тактик тузоғига тушмаймиз", - дейди "Кьево" устози.

Эслатиб ўтамиз, "Кьево" - "Ювентус" учрашуви бугун Тошкент вақти билан соат 21:00да бошланади.