Keyn Shimoliy London derbilari to‘purariga aylanib oldi

"Tottenxem" forvardi Xarri Keyn bugun "Arsenal"ga (1:1) qarshi bo‘lib o‘tgan Shimoliy London derbisida gol urib jamoasini  mag‘lubiyatdan qutqarib qoldi.

Opta statistik portali tarqatgan xabarga ko‘ra bu Keynning “kanonirlar”ga qarshi bahsda kiritgan 9-goli (APL doirasida) bo‘ldi. Shu tariqa u Shimoliy London derbilarida eng ko‘p gol urgan futbolchiga aylanib oldi.

Eslatib o‘tamiz, bu boradagi avvalgi rekord “Arsenal”ning sobiq hujumchisi Emmanuel Adebayorga tegishli edi. Togolik futbolchi hisobida 8ta gol bor edi.