Ковачич, Баркли, Лофтус-Чик: қайси бири Саррининг «янги Гамшики» бўлади?

Маурисио Сарри «Челси»даги фаолиятини жуда яхши суръатда бошлай олди. Премьер Лиганинг 10-туридан кейин ҳам унинг шогирдлари енгилмас жамоа бўлиб қолмоқда ва турнир жадвалида 3-ўринда бормоқда.

Жамоа муваффақиятининг бир қисми сифатида «Саррисмо», яъни мураббийнинг янги ўйин услуби меваси деб айта оламиз. «Челси» ушбу услубда кутилганидан анча тезкорроқ ўйнамоқда ва тезда мослашиб кетди.

L’Equipe нашри томонидан «вертикал тики-така» деб аталган «Саррисмо»да футболчилар қисқа паслар орқали тезда ўзларидан битта олдинги чизиқ вакилларига тўпни етказиб беришлари керак бўлади.

Унинг «Наполи»даги фаолиятида ярим ҳимояда Марек Гамшикнинг роли катта эди. Чап қанот ярим ҳимоячиси тўпга эгалик қилиш орқали ҳужум учлигига муҳим узатмаларни етказиб берарди.

Бироқ «Челси»да унинг ўрнини боса оладиган учта футболчи бор. Булар: Росс Баркли, Матео Ковачич ва Рубен Лофтус-Чик.

Уларнинг қайси бири энг кучли ва Гамшикнинг муқобил варианти бўла олади? Қуйида тилга олинган уч футболчининг ўйинларини таҳлил қиламиз.

(Статистикалар Премьер Лига ва Европа Лигасидаги иштирокидан олинган.)

Матео Ковачич

Амалга оширилган узатмалар (аниқлиги): 554 (94.1 %)

Яратилган хавфли вазиятлар (узатмалар): 8 (1)

Зарбалар (аниқ зарбалар): 17 (3)

«Реал Мадрид»дан шу йил ёзида ижарага келган Матео Ковачич «Челси» асосий таркибида кўпроқ ўйин амалиётига эга бўлмоқда ва Саррининг «эркатойи»га айланиб қолса ажабмас.

Хорватиялик футболчи тўп билан жуда яхши муомала қилади. «Челси»нинг чап қанот вакили саккиз ўйинда атиги 23 та хато узатмани амалга оширган. Лондонликларнинг бирорта футболчиси Премьер Лигада «Реал» футболчисичалик аниқ узатмалар коэффициентига эга эмас. унда бу рақам нақ 94.59 % ни ташкил қилади.

Ковачични «Челси»даги жонли дебютига асосий сабаб чап қанотда Эден Азар билан тушуниб ҳаракат қилиши бўлмоқда. Рақиб ҳужумини бартараф қилгач дриблинглар эвазига икки футболчи чап қанотдан ўта хавфли вазиятларни яратмоқда.

Уларнинг ўйин услуби ҳам жуда ўхшаш, бироқ Ковачичнинг ягона заиф томони бу гол уришдаги сусткашлиги бўлмоқда. 17 рақам эгаси «кўклар» учун ҳали гол ура олганича йўқ. Унинг клуб сафидаги охирги голига эса тез орада нақ икки йил тўлади. Ковачич 2017-йил январида дарвоза тўрини аниқ нишонга олган.

Премьер Лигада у жамоаси сафида рақиб дарвозаси томон 5 бора зарба йўллаган бўлса, шундан учтаси аниқ чиққан. Хорватиялик футболчининг тўққиз зарбаси бартараф қилинган.

Росс Баркли

Амалга оширилган узатмалар (аниқлиги): 384 (92.3 %)

Яратилган хавфли вазиятлар (узатмалар): 19 (6)

Зарбалар (аниқ зарбалар): 17 (3)

Шу йил январида «Челси» сафига келиб қўшилган Росс Баркли дебютини анча кучсиз бошлади. Орттириб олган жароҳатлари ва Антонио Контенинг ишончини қозона олмагани сабаб клуб учун у атиги тўрт ўйинда майдонга тушди.

Аммо англиялик ярим ҳимоячи Сарри қўли остида ушбу мавсумда порламоқда ва «Эвертон»даги фаолияти давомида уни Поль Гаскойнга ўхшатганлар қайта жонланиб қолишди.

Баркли «аристократлар» учун барча мусобақаларда 13 ўйинда иштирок этишга улгурди. Бироқ Сарри Гамшик ролида Ковачични афзал кўраётгани сабаб унда ўйин амалиёти анча чекланиб қолмоқда.

«Саррисмо»да Баркли ўз ўйинини анча яхшилаб бормоқда. У ўз статистикасидан кўра кўпроқ жамоа манфаатларига ўз эътиборини қаратмоқда. «Эвертон»дагидан кўра камроқ масъулият юкланмоқда.

Ярим ҳимоячи Премьер Лигада 92.05 % узатмаларни амалга оширган. Аниқлик борасидау фақатгина Ковачичдан ортда қолмоқда. Ковачич гол уришда қийналаётган бўлса, Баркли гол урган. Премьер Лиганнг сўнгги уч ўйинида у бир гол уришга эришган. Бундай ҳолат кичик рекорд ўрнатди. У 2013-йилда Фрэнк Лемпарддан кейин гол урган илк англиялик футболчи бўлди.

Уч гол ва уч голли узатмага эга Баркли Премьер Лигада камида уч гол урган ва уч голли узатмани амалга оширган етти футболчидан бири.

Уч гол 12 марталик имкониятдан кейин содир бўлди. Шундан бештаси аниқ зарбалар бўлган.

Азар жароҳат олиб сафдан чиққан бир пайтда унинг захирада қолиб кетаётганини кузатиш бироз оғир.

Рубен Лофтус-Чик

Амалга оширилган узатмалар (аниқлиги): 152 (92.7 %)

Яратилган хавфли вазиятлар (узатмалар): 7 (0)

Зарбалар (аниқ зарбалар): 11 (5)

Мауриси Саррининг ўтган мавсумнинг иккинчи қисмида «Челси»га ўтиши борасидаги миш-мишлардан кейин «кўклар» мухлислари Марек Гамшик ролида айнан Рубен Лофтус-Чикни кўришганди.

Шунга қарамай кутилган режалар амалга ошмади. Лофтус-Чик клуб учун атиги беш ўйин ўтказишга эришди. Шунинг асосий қисми Европа Лигасига тўғри келади.

Бундай ҳолат англиялик футболчини ўйин амалиёти излаб бошқа клубга ижарага кетиши борасидаги таҳминлар қайта болалади.

Бироқ сўнгги ўйинларда Лофтус-Чик Саррини қайта ўйлашга мажбур қилиб қўйди. Атиги икки ўйинда у уч гол уришга эришди.

Барча мусобақаларда тўрт гол урган футболчи «БАТЭ Борисов» дарвозасини Европа Лигаси доирасида уч бора аниқ нишонга олди. Янги мавсумда фақатиган Азар (8 гол) Лофтус-Чикдан кўпроқ гол урган.

22 ёшли футболчи шу билан бирга Премьер Лигада беш бора узатмаларни амалга оширган.

Унинг энг катта муаммоси клуб учун ўзини яхшироқ томондан исботлашидир. Худди Баркли ва Ковачич каби. Бу фақатгина Саррининг асосий таркибда унга ишонч билдириши орқали юз бериши мумкин.

Ҳукм

Кўриниб турибдики, Росс Баркли Саррининг «янги Гамшики» бўлиши мумкин. Бунга унинг голли узатмаларни амалга ошира олиши ва гол уриш маҳоратигина сабаб бўла олади. «Янги Челси»нинг муҳим қисмига айлана олиши учун унда етарлича имкониятлар бўлмоқда.