Ковачич: АПЛда футбол Ла Лигадагидан тезкорроқ

Мавсумлар оралиғида “Реал”дан “Челси” сафига келиб қўшилган хорватиялик ярим ҳимояси Матео Ковачич янги жамоа ва янги чемпионат ҳақида ўз фикрларини билдириб ўтди.

“Бу ерда ўзимни яхши ҳис қиляпман, яхши ҳаракат қиляпман ва ўсишга эришяпман. Мадридда етарли ўйин амалиётисиз ўтган 3 йиллик фаолиятимдан сўнг мени ўз сафида кўришни хоҳлаган жамоа ва мураббий топиш қийин эди. Бироқ, бундай жамоа топилди. Бу “Челси” эди. Сарри мени кўпдан буён биларди ва мен ҳам унинг жамоаси иштирокидаги ўйинларни кузатардим.

Бу ерда ажойиб жамоа ва буюк футболчилар йиғилган. Шу боис жамоага кўникиб кетишим у қадар қийин бўлмайди деб ўйлайман. Премьер-лиганинг Ла Лигадан энг фарқи бу ерда тезликда. Бу ерда футбол ўта тезкор”, - дейди Ковачич.