Козак ўз хоҳишига кўра терма жамоадан кетди

Словакия терма жамоаси бош мураббийи Ян Козак истеъфога чиқарилди. Бу ҳақда мамлакат футбол федерацияси расмий сайти хабар тарқатмоқда.

Унга кўра истеъфога чиқиш таклифи 64 ёшли мутахассиснинг ўзи томонидан билдирилган ва  раҳбарият ҳам унинг ушбу қарорини мақуллаган. Энди терма жамоани эртага Швецияга қарши бўлиб ўтадиган ўртоқлик ўйинига Штефан Таркович тайёрлайди.

Эслатиб ўтамиз, Словакия УЕФА Миллатлар лигасининг дастлабки учрашувида имкониятни бой берди ва деярли гуруҳдан чиқиш имкониятларини йўқотди.