Ла Лиганинг январь ойидаги энг яхши футболчиси эълон қилинди

Бильбаонинг "Атлетик" клуби форварди Иньяки Уильямс Ла Лиганинг ўтган январь ойидаги энг яхши футболчиси деб топилди.

Таъкидлаш керакки 24 ёшли футболчи ўтган ой чемпионатда 4та ўйинда майдонга тушиб, рақиб дарвозасига 3та гол уришга эришди. Унинг жамоаси 4та ўйиннинг 3тасида ғалаба қозониб, 1та ўйинда дуранг қайд этди.

Маълумот учун, Уильямс жорий мавсум “Атлетик” сафида 25та ўйинда майдонга тушди ва ўз ҳисобига 9та гол ҳамда 3та голли узатма ёздириб қўйишга эришди. Унинг жамоаси эса 12-ўринни эгаллаб турибди.