Легионерлар: Бобур Давлатов жамоаси Туркиядаги йиғинни якунлади

Ҳамюртимиз Бобур Давлатов тўп тепадиган “Нефтехимик” Туркиядаги иккинчи йиғинини якунлади. Бугун нижнекамскликлар йиғин доирасида сўнгги учрашувни Македониянинг “Академия” жамоасига қарши ўтказишди.

Ушбу баҳс 0:0 ҳисобидаги дуранг билан якунланди. Бобур Давлатов ушбу баҳсда иккинчи бўлимда майдонга тушди ва учрашув охирига қадар ҳаракат қилди. 

Қайд этиш жоиз, Давлатов жамоаси эртага Россияга қайтиб кетади ва бир неча кундан сўнг, тайёргарликнинг учинчи босқичини ўтказиш учун Туркияга қайтади.