Лэмпарднинг мураббий сифатидаги дебюти омадли чиқди

Чемпионшипнинг янги мавсумида Фрэнк Лэмпард бош мураббийлигидаги “Дерби Каунти” жамоаси илк учрашувини “Рэдинг” футболчиларига қарши ўтказди.

Қизиқарли ва муросасиз кечган ўйинда “Дебри Каунти” 2:1 ҳисобидаги ғалабага эришди. “Челси” афсонаси мураббий сифатидаги биринчи расмий ўйинида ғалаба қозониш уддасидан чиқди. Том Лоуренснинг сўнгги дақиқаларда киритган голи Лэмпард жамоасига 3 очко олиб келди. 

Фрэнк Лэмпард 2018 йилнинг 31 май куни “Дерби” билан шартнома имзолаган. Келишув муддати 3 йилни ташкил қилади.

Ўтган мавсумда “Дерби” клуби Чемпионшипни 6-ўринда тугатган эди. Жамоа сўнгги марта 2008 йили АПЛда иштирок этган.