Левандовски "Бавария"дан кетмайди

Мюнхеннинг "Бавария" клуби ўзининг польшалик тўпурари Роберт Левандовскини жамоадан кетиши борасидаги хабарларни инкор этди.

Жумладан, немис грандининг янги бош мураббийи Нико Ковач бу борада шундай деди: “Робертнинг келажак фаолияти борасида ҳеч қандай янгилик йўқ. Ҳаммаси аниқ. У бизни тарк этмайди ва янги мавсумда ҳам асосий тўпураримиз бўлади”.

Эслатиб ўтамиз, бундан аввалроқ Левандовскига Мадриднинг “Реал” клубидан жиддий қизиқишлар бўлаётгани ҳақида хабарлар тарқалган эди.