Libertadores kubogi finali noqulay ob-havo sabab boshqa kunga qoldirildi (video)

Janubiy Amerika qit’sining klublar щrtasidagi eng nufuzli musobaqasi – Libertadores kubogining dastlabki final bahsi kuchli yomg‘ir sabab qoldirildi.

Gap shundaki, bu safargi musobaqa finaliga tarixda ilk marta Argentinaning ikki klubi - "Boka Xuniors" va "River Pleyt" chiqqan edi. Ammo Buenos-Ayrosdagi noqulay ob-havo sabab Toshkent vaqti bilan bugun tongda bo‘lib o‘tishi kerak bo‘lgan finalning ilk uchrashuvi boshqa kunga qoldirildi.

Berilgan ma’lumotlarga qaraganda ushbu uchrashuv dushanba yoki chorshanba kuni o‘tkaziladi.