Англиянинг “Ливерпуль” клуби Чемпионлар лигаси плей-офф босқичи учун қайдномасини янгилади.

Унга кўра мерсисайдликлар узоқ муддатли даволанишдан сўнг эндигина сафга қайтган ярим ҳимоячи Алекс Окслейд-Чемберленни ҳам ушбу қайдномага киритишган.

Эслатиб ўтамиз, Окслейд-Чемберлен ўтган мавсум “Рома”га қарши бўлиб ўтган ЕЧЛ ярим финалида жароҳат олган эди ва шундан буён бирорта ҳам ўйинда иштирок этмади.

Маълумот учун, “Ливерпуль” 1/8 финалда “Бавария”га қарши баҳс олиб боради.