“Lokomotiv” Evro-2016 finalida gol urgan futbolchini olmoqchi

Hamyurtimiz Vitaliy Denisov faoliyat olib boradigan Moskvaning “Lokomotiv” jamoasi hujumchi sotib olmoqchi.

“Temiryo‘lchilar” Artyom Dzyuba(“Zenit”) va Eder(“Lill”)lar variantini o‘rganib chiqmoqda.

Eder variant klub prezidenti Ilya Gerkusning Evropaga uyushtiradigan safari natijalariga bog‘liq bo‘ladi.

Ma’lumot uchun, 29 yoshli Eder o‘tgan mavsum barcha musobaqalarda 37 ta bahsda ishtirok etdi va 6 ta gol kiritishga muvaffaq bo‘ldi.  

Eslatib o‘tamiz, 2016 yil Frantsiyada o‘tgan Evropa chempionati finalida kiritilgan yagona golga aynan Eder mualliflik qilgan edi.