“Локомотив” “Милан” ҳужумчисига қизиқиш билдирмоқда

Ҳамюртимиз Виталий Денисов тўп сурадиган Москванинг “Локомотив” клуби “Милан” форварди Карлос Баккага жиддий қизиқиш билдира бошлади.

Россия нашрлари тарқатган хабарга кўра “темирйўлчилар” 31 ёшли колумбиялик футболчини жорий ёзги трансферлар давридаёқ қўлга киритишмоқчи. Аммо, улар учун ушбу трансферни амалга ошириш бироз мушкул бўлиши мумкин. Чунки, Бакка айни дамда Испания чемпионатига қайтиш истагини билдирмоқда. “Милан” эса футболчини 15 млн еврога баҳоламоқда.

Маълумот учун, Бакка ўтган мавсумни ижара асосида “Вильярреал” сафида ўтказган ва жами 43та ўйинда майдонга тушиб, ўз ҳисобига 18та гол ёздириб қўйишга эришган.