"Локомотив" ПСЖ футболчиси билан шартнома имзолади

Москванинг "Локомотив" клуби ПСЖ ярим ҳимоячиси Гжегож Крыховяк билан шартнома имзолади.

Айтиб ўтиш жоизки, унинг кўчиб ўтиш шартномасида парижликлар футболчини қайта сотиб олиш ҳуқуқига эга бўлишди. Крыховяк "Локо" таркибида 7-рақамда тўп тепади. Бу ҳақида клуб расмий веб-сайти хабар бермоқда.

Аввалроқ тарқалган хабарларга кўра, футболчининг трансфери москваликлар учун 10 миллион еврога тушди. 28 ёшли хавбек йилига 5 миллион евро даромад топади.