Луис Энрике "Барселона"нинг энг асосий ўйинчиси Месси эмаслигини ошкор қилди
Бир неча йиллардан буён ўз голлари билан "Барселона"ни ғалабаларга етаклаётган аргентиналик ҳужумчи Лионель Мессини жамоанинг етакчи футболчиси деб эътироф этиш одат тусига айланиб қолган. Гўёки қолган футболчилар Леонинг соясида қолиб кетаётгандек.
Бироқ, бош мураббий Луис Энрике "Барселона" муваффақиятли ўйини кўп жиҳатдан бошқа футболчига боғлиқ эканини ошкор қилди.
- Таркибимизда ва бутун дунёда Андрес Иньестадек футболчи йўқ, - деди Луис Энрике. - Бу катта муаммо. Менинг қўл остимда кучли ярим ҳимоячилар бор. Лекин футбол оламида Иньестачалик ўйнай оладиган чарм тўп устасини кўрмадим.
Андрес Иньеста жароҳати туфайли 22 январь куни Испания чемпионатининг навбатдаги турида "Эйбар" жамоасига қарши майдонга тушолмаслиги аниқ бўлди.
Комментарии