Лутфулла Тўраев яна "Бунёдкор"га қайтди

Сўнгги икки мавсумни Олмалиқнинг АГМК сафида ўтказиб Ўзбекистон кубогини қўлга киритган Лутфулла Тўраев яна ўзининг собиқ жамоаси – “Бунёдкор”га қайтди.

30 ёшли ярим ҳимоячи бугун “Оқтепа”га қарши назорат ўйинида “қалдирғочлар” сафида майдонга тушди.

Эслатиб ўтамиз, Тўраев 2012 ҳамда 2013 йилларда “Бунёдкор” сафида тўп сурган. У ушбу давр ичида 49та ўйинда майдонга тушиб, ўз ҳисобига 9та гол ёздириб қўйишга эришган.

Маълумот учун, Лутфулла Тўраев ўтган мавсум АГМК таркибида Суперлигада жами 26та ўйинда майдонга тушди ва ўз ҳисобига 1та гол ёздириб қўйишга эришди.