МЮ "Барселона"нинг Погба борасидаги яна бир таклифини рад этди

"Манчестер Юнайтед" клуби раҳбарияти франциялик ярим ҳимоячи Поль Погбани "Барселона"га сотишни истамаяпти.

Италиялик машҳур журналият Жанлуки ди Марцио тарқатган хабарга кўра каталонияликлар Погба эвазига "қизил иблислар"га ўзининг колумбиялик ҳимоячиси Йерри Мина ва португалиялик хавбек Андре Гомешни, бундан ташқари яна 50 миллион евро пул ҳам таклиф қилишган. Бироқ, МЮ раҳбарияти ушбу таклифни рад этди. Улар 25 ёшли футболчини ўз сафларида сақлаб қолишни режалаштиришмоқда.

Маълумот учун, Погба ўтган мавсум манкуанликлар сафида жами 36та ўйинда майдонга тушган ва ўз ҳисобига 6та гол ҳамда 11та голли узатма ёздириб қўйишга эришган.