МЮ Рэшфорднинг маошини икки баробар оширади
"Манчестер Юнайтед" клуби раҳбарияти жамоа форварди Маркус Рэшфорднинг маошини икки баробарга оширмоқчи. Бу ҳақда The Telegraph нашри хабар бермоқда.
Аниқроғи, “қизил иблислар” 21 ёшли англиялик футболчига йилига 9 млн евро маош тўлашга тайёр. Бундай таклиф эса Рэшфордни тўла қаноатлантиради, шу сабабли томонлар тез орада янги келишувни имзолашлари кутилмоқда.
Эслатиб ўтамиз, бундан аввалроқ Рэшфордга Мадриднинг “Реал” клуби жиддий қизиқиб қолгани ҳақида хабарлар тарқалган эди.
Маълумот учун, Маркус Рэшфорд жорий мавсум МЮ сафида жами 30та ўйинда майдонга тушди ва ўз ҳисобига 10та гол ҳамда 7та голли узатма ёздириб қўйишга эришди. Унинг клуб билан амалдаги шартномаси эса 2020 йилга қадар имзоланган.
Фикрлар