МЮнинг собиқ футболчиси “Эвертон”га ўтиши мумкин

Англиянинг "Эвертон" клуби "Реал Сосьедад"нинг бельгиялик ярим ҳимоячиси Аднан Янузайни ўз сафига қўшиб олмоқчи. Бу ҳақда Daily Mail нашри хабар бермоқда.

Унга кўра мерсисайдликлар 23 ёшли футболчини жорий ёзги трансферлар давридаёқ сотиб олишни режалаштиришмоқда. Эслатиб ўтиш лозимки, Янузай учун Англия премьер-лигаси бегона эмас. Боиси, у бундан аввал "Манчестер Юнайтед" ҳамда "Сандерленд" клубларида тўп сурган.

Маълумот учун, Янузай ўтган мавсум "Реал Сосьедад" сафида жами 35та ўйинда иштирок этган ва ўз ҳисобига 4та гол ҳамда 6та голли узатма ёздириб қўйишга эришган.