"Манчестер Юнайтед" Санчесни сотиш масаласини кўриб чиқмоқчи

"Манчестер Юнайтед" раҳбарияти жамоанинг чилилик вингери Алексис Санчесни сотиш масаласини  кўриб чиқади. Бу ҳақда The Sun нашри хабар бермоқда.

Унга кўра Санчес "Олд Траффорд"да ўзига билдирилган ишончни оқлай олмади ва шу боис манкуанликлар уни трансферга қўйишмоқчи.

Берилган маълумотларга қараганда Санчесга Франциянинг ПСЖ клуби жиддий қизиқиш билдирмоқда. Гап шундаки, агар парижликлар Неймар ёки Килиан Мбаппе сингари етакчиларидан бирини йўқотишган тақдирда, ушбу ўринга айнан чилилик футболчи энг муносиб номзод сифатида кўрилмоқда.