"Манчестер Юнайтед" ҳам Барелла учун курашга қўшилди

Италиянинг "Кальяри" клуби ярим ҳимоячиси Николо Барелла фаолиятини "Олд Траффорд"да давом эттириши мумкин.

Gazzetta Dello Sport нашри тарқатган хабарга кўра "Манчестер Юнайтед" 21 ёшли италиялик футболчи учун 58 миллион евродан воз кечишга тайёр.

Эслатиб ўтамиз, бундан аввалроқ "Челси" "Монако"га сотиб юборган Сеск Фабрегас ўрнига айнан Бареллани олиб келмоқчи эканлиги ҳақида хабарлар тарқалган эди.

Маълумот учун, Марко Барелла жорий мавсум А Серияда жами 19та ўйинда майдонга тушди ва 1та гол уришга эришди.